Fréttir

Við höfum endurbætt upplýsingar á heimasíðunni um hleðslutæki (sjá hér) en sala á hleðslutækjum og hleðslurafhlöðum hefur aukist allverulega. Vegna þess þá höfum við aukið úrvalið bæði af tækjum og rafhlöðum. Við bendum ykkur á upplýsingasíðuna yfir þær gerðir af tækjum sem við eigum á lager en jafnframt er möguleiki á að skoða úrval af tækjum m.a.frá GP Batteries hér. Sé þess óskað getum við pantað þær gerðir hleðslutækja sem hér eru sýndar. Eins getið þið skoðað úrval hleðslurafhlaðna hér. Helstu gerðir sem við erum með eru frá GP Batteries og Panasonic.  Rafborg ehf. Sundaborg 3 Sími 5622130 sala@rafborg.is

Við höfum undanfarið unnið að breytingum á heimasíðu okkar til þess að hægt sé að nýta hana betur bæði fyrir ykkur viðskiptavini okkar og okkur sjálf. Til þess að alltaf séu sem nýjastar upplýsingar inni á síðunni höfum við tekið það til bragðs að setja inn tengingar á síður birgja okkar og framleiðanda og en því fylgir að upplýsingar eru þá á erlendum tungumálum. Okkur þykir það leitt en hjá því er ekki komist þar sem nýjungar koma inn nánast á hverjum degi og vonlaust fyrir okkur að fylgjast með þeim öllum. Ávinningurinn er um leið að úrval eykst sem verður til þess að ef eftirspurn er næg þá kaupum við inn nýjar rafhlöður til að hafa á lager. Við erum svo að koma upp tilboðshorni þar sem við bjóðum ýmsar rafhlöður eða tæki og búnað á betra verði en venjulega.    Rafborg ehf. Sundaborg 3 Sími 5622130 sala@rafborg.is

Við erum komin með mjög fullkominn tölvubúnað sem gerir okkur kleyft að greina ástand rafhlaðna og eins afhlaða og endurhlaða. Þetta gefur möguleika á að kanna hvort rafhlöður séu gallaðar eða hvort sá búnaður sem þær eru notaðar við sé bilaður. Eins er hægt að reyna endurlífgun á rafhlöðum.

Við erum að skoða möguleika á að bjóða frá GP Batteries brúnsteinsrafhlöður en það eru þessar venjulegur rafhlöður í vasaljós og þess háttar. Þetta eru Zink Carbon rafhlöður og heita GP Greencell en þær eru á svipuðu verði og Panasonic Ultra rafhlöður. Þær eru í blister pakkningum með hefðbundið magn en ekki í magnpakkningum lengur. Við höfum boðið eina gerð en það er 918 eða sem sumir kalla 4R25x2 sem er helst notuð við eldri gerðir af handlugtum, fyrir leiðsiljós og rafmagnsgirðingar. Þær hafa reynst vel. GP Batteries bauð áður einnig gerðir eins og Super Cell og Power Cell en þær hafa horfið af markaði hér á Norðurlöndum. Þær rafhlöður eru ekki af sömu gæðum og Greencell rafhlöður eins og sjá má á notkunarmöguleikum á heimasíðu GP Batteries.   Sjá bækling  bls. 8 og 20.    Rafborg ehf. Sundaborg 3 Sími 5622130 sala@rafborg.is

Til gamans setjum við hér inn bækling yfir símarafhlöður þ.e. rafhlöður í þráðlausa síma sem fá má frá GP Batteries. Listinn er langt frá því að vera tæmandi og nýjustu og ferkustu upplýsingarnar má fá undir flipanum símarafhlöður og fara þar í GP símarafhlöður en þar er leitavél og þarf aðeins að setja inn heiti símans og finnur vélin þá tiltekna gerð ef til. Hringið þá í síma 5622130 eða sendið fyrirspurn á sala@rafborg.is  Úrvalið af símarafhlöðum er líklega ótæmandi. Á hverjum degi birtist ný gerð. Skoðið bæklinginn    Rafborg ehf. Sundaborg 3 Sími 5622130 sala@rafborg.is

Panasonic Ultra Power (R rafhlöður) munu á næstu mánuðum hverfa af markaðnum en í staðinn koma Panasonic Special sem verða á mun betra verði þegar þær koma. Vænta má þeirra rafhlaðna í júníbyrjun. Panasonic Special verða eingöngu til í blister pakkningum eins og alkaline rafhlöðurnar. Hugsanlega verðum við með Zink Carbon rafhlöður (brúnsteins) frá GP sem nefnast GP Greencell en í dag eru þær á svipuðu verði og Panasonic Ultra. 

Ni-Cd Panasonic hleðslurafhlöður hverfa af markaði og aðeins verða Ni-Mh fáanlegar. Helsta gerðin er P6 en þær koma til með að verða til í 3 stærðum 1600mAh, 2100mAh og 2600mAh. P20 og P14 verða 3.000mAh, P03 í 800 mAh og P22P 170mAh. Þær koma líka í nýjum og endurbættum pakkningum og koma þær til með að heita Panasonic Recharge ACCU Power. Við höfum undanfarið verið líka með GP hleðslurafhlöður og verðum með þær áfram ásamt GP Powerbank hleðslutækjum í nokkru úrvali. Frá GP er mun meira úrval af hleðslurafhlöðum og hægt að fá t.d. GP P20 frá 1.600 mAh til 9.000mAh. GP P14 frá 1.600 mAh til 3.500 mAh. GP P6 frá 700 mAh til 2.500 mAh. GP P03 frá 300 mAh og upp í 950 mAh. P22 má fá 170 mAh.     Rafborg ehf. Sundaborg 3 Sími  562 2130 sala@rafborg.is 

Panasonic Alkaline fara af markaði og ný gerð kemur sem mun heita Panasonic Xtreme Power Alkaline og á hún að endast lengur með allt að 15% meiri orku eftir stærð og gerð. Xtreme Power Alkaline verður eingöngu til í Blister pakkningum. Við verðum áfram með GP Alkaline rafhlöður en GP Alkaline er til í tveimur gerðum Super og Ultra. GP Alkaline Super er í dag í venjulegum blister pakkningum en verða í framtíðinni í magn pakkningum t.d. LR6 í 8 stk. blister og LR20 og LR 14 verða í pökkum. GP Ultra (Long Lasting for Digital Electronics) verða áfram í sömu umbúðum en það eru alkaline rafhlöður með meiri orku fyrir orkufrekari tæki.  Við gerum ráð fyrir að vera með ýmis tilboð í gangi og þá aðallega á Panasonic LR6 gerðum eins ogt.d. 4 + 2 stk. pakkningar á einstaklega góðu verði. LR6 3+1 gerðin verður ekki fáanleg en 4ra stk. pakkningar verða á sama verði og áður. Við verðum jafnvel með 12 stk. pakkningar af Panasonic LR6 á góðu verði.